کابل کې د ملګرو ملتونو او د طالبانو د بهرنیو چارو وزیر ترمنځ د همکاریو په اړه مفصلې خبرې

اشتراک گذاری:

بریانیوز:(شنبه،۲ حوت ۱۴۰۴)

کابل — د ملګري ملتونه د سرمنشي مرستیالې ځانګړې استازې اندریکا راتواته د امیرخان متقي سره په کابل کې لیدنه وکړه

د طالبانو د بهرنیو چارو وزارت د معلوماتو له مخې، په دې ناسته کې د ملګرو ملتونو د ماموریت سرپرستې او د سیاسي څانګې مشرې جورجت ګانیون هم حضور درلود. دواړو لورو د افغانستان له نړیوالو ادارو سره د اړیکو پر دوام، د مرستو پر همغږۍ او د ګډ کار پر پیاوړتیا بحث وکړ

د طالبانو د بهرنیو چارو وزارت ویلي چې په خبرو کې د بشري مرستو د رسولو اسانتیا، د پروژو عملي کول او د خلکو اړتیاوو ته رسېدنه مهم موضوعات وو. د ملګرو ملتونو استازو هم ټینګار وکړ چې د مرستندویه پروګرامونو بریالیتوب د دوامداره همکارۍ او همغږۍ پورې تړلی دی

کارپوهان باور لري چې دا ډول لیدنې د افغانستان او نړیوالو ادارو ترمنځ د اړیکو د ساتلو لپاره مهمې دي، ځکه هېواد لا هم د اقتصادي ستونزو او بشري اړتیاوو له امله نړیوال ملاتړ ته اړتیا لري