اخبار جهان

بیجینګ: د امریکا او ایران د جګړې اوږدېدل د هېچا په ګټه نه دي

اشتراک گذاری:

(بریانیوز جمعه (۲۷/ سنبله /۱۴۰۵هـ.ش

د چین د بهرنیو چارو وزیر وانګ يي په بیجینګ کې د ایران د بهرنیو چارو له وزیر سید عباس عراقچي سره په لیدنه کې د سیمې پر وروستیو بدلونونو، د تهران او واشنګټن ترمنځ روان کړکېچ او د هرمز تنګي پر وضعیت خبرې کړې دي

وانګ يي ویلي، د امریکا او ایران ترمنځ د جګړې دوام او اوږدېدل نه د دواړو ښکېلو خواوو په ګټه دي او نه هم د نړیوالې ټولنې

هغه له تهران او واشنګټن غوښتي چې له زغم او احتیاطه کار واخلي او د کړکېچ د لا پراخېدو د مخنیوي لپاره د خبرو اترو لاره غوره کړي

د چین د بهرنیو چارو وزیر ټینګار کړی چې دواړه هېوادونه باید ژر تر ژره د «اسلام‌اباد هوکړې» ته بېرته وګرځي او د خبرو اترو بهیر له سره پیل کړي

په دې لیدنه کې د هرمز تنګي وضعیت هم د بحث له مهمو موضوعاتو څخه و. د دغه تنګي امنیت د نړیوالې سوداګرۍ او د انرژۍ د لېږد لپاره مهم بلل کېږي او په سیمه کې روان کړکېچ د دې لارې د امنیت په اړه اندېښنې زیاتې کړې دي

چین وايي، د سیمې د شخړو د هواري لپاره باید سیاسي او دیپلوماتیکې لارې وکارول شي او د جګړې د پراخېدو مخه ونیول شي