مقاله

ګرس مېنګ : امریکايي استازې د سویلي افریقا د ۱۷۵۰۰ کډوالو د منلو پر طرحې نیوکه وکړه

اشتراک گذاری:

(بریانیوز شنبه (۴/ میزان /۱۴۰۵هـ.ش

د امریکا د استازو جرګې غړې ګرس مېنګ د ولسمشر ډونلډ ټرمپ پر هغې پرېکړې نیوکه کړې چې له مخې یې ټاکل شوې په راتلونکي یوه کال کې له سویلي افریقا څخه ۱۷ زره او ۵۰۰ کسان د کډوالو په توګه امریکا ته ومنل شي

مېنګ پوښتنه کړې چې ولې د دغو کډوالو د منلو لپاره شاوخوا ۵۰۰ میلیونه ډالر ځانګړي کېږي، په داسې حال کې چې د امریکا د پوځ افغان متحدین لا هم له امریکا بهر په بېلابېلو هېوادونو کې د بیا مېشتېدو په تمه دي

نوموړې پر خپلې ټولنیزې شبکې لیکلي چې د امریکا د بهرنیو چارو وزیر مارکو روبیو ورته ویلي، د سویلي افریقا کډوال ښايي د نورو کډوالو په پرتله په امریکايي ټولنه کې ژر ورګډ شي

مېنګ د روبیو دغه څرګندونې «غیرمستقیمې او رمز لرونکې» بللې او پوښتنه یې کړې چې ولې د افغان متحدینو لپاره ورته لومړیتوب نه ورکول کېږي

د امریکا د کډوالۍ او بیا مېشتېدو د تګلارې په اړه د کانګرس د غړو ترمنځ دا بحثونه په داسې مهال مطرح کېږي چې د افغانانو د کډوالۍ او بیا مېشتېدو موضوع لا هم د امریکا د حکومت د تګلارو له مهمو بحثونو څخه ده