مقاله

فغانې نجلۍ: نړیواله ټولنه دې افغان نجونو ته د زده‌کړې ویزې برابرې کړي

اشتراک گذاری:

(بریانیوز شنبه (۴/ میزان /۱۴۰۵هـ.ش

یوې افغانې نجلۍ، چې د امنیتي اندېښنو له امله یې د ملګرو ملتونو د عمومي اسامبلې په څنډه کې په پټه وینا کوله، له نړیوالې ټولنې غوښتي چې افغان نجونو ته د زده‌کړو لپاره د ویزو زمینه برابره کړي

هغې ویلي، افغان نجونې له تېرو پنځو کلونو راهیسې له زده‌کړو او یو شمېر اساسي ازادیو څخه بې برخې دي او د خپل راتلونکي په اړه له جدي اندېښنو سره مخ دي

نوموړې ټینګار کړی چې افغان نجونې کوم ځانګړی امتیاز نه غواړي، بلکې د زده‌کړې او کار کولو هغه حقونه غواړي چې د دوی د راتلونکي لپاره بنسټیز اهمیت لري

د هغې په وینا، د نجونو د زده‌کړو دوامداره محدودول به په راتلونکو کلونو کې افغانستان له مسلکي ښځینه کارپوهانو څخه بې برخې کړي او د هېواد د بشري ځواک پر راتلونکي به اغېز وکړي

هغې له نړیوالې ټولنې وغوښتل چې د افغان نجونو لپاره د زده‌کړې قانوني او خوندي لارې برابرې کړي، څو هغوی وکولای شي خپلې زده‌کړې له هېواده بهر هم تعقیب او خپل مسلکي راتلونکی جوړ کړي