اخبار جهان

واشنګټن: د ایران د ګواښونو له امله د امریکا د خزانې وزیر له کورنۍ سره پوځي اډې ته ولېږدول شو

اشتراک گذاری:

(بریانیو چهار شنبه (۲۰/ عـقـرب/۱۴۰۵هـ.ش

د امریکا د خزانې وزیر، سکاټ بسنت، د راپورونو له مخې د ایران له لوري د خپل ژوند پر وړاندې د زیاتېدونکو ګواښونو له امله، له خپلې کورنۍ سره یوې پوځي اډې ته انتقال شوی دی

فاکس نیوز د امریکا د خزانې وزارت په حواله راپور ورکړی چې د بسنت انتقال تایید شوی دی. د وزارت په وینا، نوموړی به له امنیتي ګواښونو سره سره پر ایران د اقتصادي فشار راوستلو لپاره خپلو هڅو ته دوام ورکړي

د امریکا د خزانې وزارت ویلي چې د ایران پر وړاندې اقتصادي بندیزونه او سوداګریز محدودیتونه به د دې هېواد د فشار اچولو د تګلارې مهمه برخه پاتې شي

په ورته وخت کې، په راپور کې راغلي چې د امریکا د حکومت یو شمېر نور لوړپوړي چارواکي هم د امنیتي اندېښنو له امله هغو استوګنځایونو ته انتقال شوي چې سخت امنیتي تدابیر پکې نیول شوي دي

د دغو چارواکو د امنیت د ټینګولو لپاره دا اقدامات په داسې وخت کې کېږي چې د امریکا او ایران ترمنځ کړکېچونه لا هم دوام لري