اخبار جهان

واشنګټن: د امریکا مرستیال ولسمشر له ایراني چارواکي سره د لیدنې امکان څېړي

اشتراک گذاری:

(بریانیو پنجشنبه (۲۱/ عـقـرب/۱۴۰۵هـ.ش

د ترکیې انادولو خبري اژانس د وال سټریټ ژورنال ورځپاڼې په حواله راپور ورکړی چې د امریکا مرستیال ولسمشر، جي ډي ونس، له ایران سره د جګړې د پای ته رسولو په موخه د ایران د ملي امنیت د عالي شورا له منشي، محسن رضايي، سره د مخامخ خبرو امکان څېړي

د راپور له مخې، د امریکا ولسمشر ډانلډ ټرمپ، جي ډي ونس ته اجازه ورکړې چې له تهران سره د خبرو د بیا پیلېدو لپاره د ډیپلوماټیکو هڅو مشري وکړي

وال سټریټ ژورنال زیاته کړې چې ونس د اکتوبر په میاشت کې محسن رضايي ته د یوه لیک په لېږلو سره له هغه سره د لیدنې غوښتنه کړې وه

خو د راپور له مخې، د دغې احتمالي لیدنې په اړه خبرې لا هم په لومړنیو پړاوونو کې دي او تر اوسه یې د ترسره کېدو لپاره کومه مشخصه نېټه نه ده ټاکل شوې

دا راپور په داسې حال کې خپرېږي چې د امریکا او ایران ترمنځ د اړیکو او د دواړو هېوادونو ترمنځ د احتمالي خبرو په اړه بېلابېل اټکلونه او راپورونه دوام لري