اخبار جهان

سولې خبرې: له ابوظبي وروسته مسکو؛ د امریکا استازي له پوتین سره د سولې پر خبرو خبرې کوي

اشتراک گذاری:

(بریانیو پنجشنبه (۲۱/ عـقـرب/۱۴۰۵هـ.ش

د امریکا استازي سټیو ویتکاف او جرد کوشنر به د روسیې او اوکراین ترمنځ د سولې د خبرو له دوه ورځنیو غونډو وروسته، د پنجشنبې په ورځ مسکو ته سفر وکړي او له روسیې ولسمشر ولادیمیر پوتین سره به وګوري

د راپورونو له مخې، د دغه سفر موخه په ابوظبي کې د ترسره شویو خبرو د پایلو ارزونه او د سولې په بهیر کې د پرمختګ لپاره د مطرح شویو وړاندیزونو څېړل دي

د امریکا په منځګړیتوب د روسیې او اوکراین ترمنځ مذاکرات د جګړې د پای ته رسولو په هدف د سې‌شنبې په ورځ، د لړم په ۱۹مه، پیل شوي وو

جرد کوشنر خبریالانو ته ویلي چې دوی غواړي د ابوظبي د خبرو پایلې وارزوي او هغه نظرونه وڅېړي چې د سولې په بهیر کې د لا پرمختګ لپاره مطرح شوي دي

ټاکل شوې چې ویتکاف او کوشنر له پوتین سره تر لیدنې وروسته، د اوکراین له ولسمشر ولودیمیر زلنسکي سره د خبرو لپاره د ایرلنډ پلازمېنې ډوبلین ته هم سفر وکړي
د امریکا د استازو دا سفرونه په داسې حال کې ترسره کېږي چې واشنګټن هڅه کوي د روسیې او اوکراین ترمنځ د روانې جګړې د پای ته رسولو لپاره د ډیپلوماټیکو هڅو له لارې د سولې بهیر ته پرمختګ ورکړي