اخبار جهان

چین او روسیه د «عادلانه نړیوال نظام» د جوړولو لپاره ګډه همکاري پیاوړې کوي

اشتراک گذاری:

بریا نیوز (چهار شنبه ،۳۰ثور ۱۴۰۵)

د شي جين‌پينګ د چين ولسمشر ویلي، چې بیجینګ او مسکو باید د یو داسې «عادلانه نړیوال نظام» د رامنځته کولو لپاره لا نږدې او همغږې همکارۍ ته دوام ورکړي، چې د نړیوالو اړیکو توازن پیاوړی کړي

هغه دغه څرګندونې د بېجينګ په یوه مهمه لیدنه کې د ولاديمير پوتين سره د خبرو پر مهال وکړې

شي جين‌پينګ ټینګار وکړ چې چین او روسیه د نړیوال نظم په جوړښت او د څو اړخیزو اړیکو په پراختیا کې مهم رول لري، او باید خپلې سیاسي، اقتصادي او ستراتیژیکې اړیکې لا ژورې کړي

د دې لیدنې په ترڅ کې دواړو مشرانو د نړیوالو بدلونونو، اقتصادي همکاریو او د سیمه‌ییزو کړکېچونو په اړه نظرونه تبادله کړل. شنونکي وایي، د چین او روسیې ترمنځ دا ډول نږدې همغږي د نړیوال سیاست په توازن کې مهم بدلونونه راوستلی شي

چین او روسیه د بریکس بنسټګر غړي بلل کېږي، هغه اقتصادي او سیاسي اتحاد چې اوس د نړۍ له نیمايي څخه ډېر نفوس او نږدې ۴۰ سلنه نړیوال اقتصاد په خپل نفوذ کې لري

سیاسي کارپوهان باور لري، چې د بریکس د غړو ترمنځ د همکارۍ پراخېدل کولای شي د نړیوالو قدرتونو په توازن کې نوی باب پرانیزي او د لوېدیځ تر مشرۍ لاندې اقتصادي نظام ته بدیل جوړښت وړاندې کړي