مقاله

د سیمې ثبات لپاره مهمه ناسته؛ د افغانستان پر وضعیت او پولو خبرې وشوې

اشتراک گذاری:

بریا نیوز (جمعه ،۱جوزا، ۱۴۰۵)

د ملګرو ملتونو د منځنۍ اسیا لپاره د سرمنشي ځانګړي استازي او د مخنیوي ډیپلوماسۍ د سیمه‌ ییز مرکز مشر، کاها ایمنادزه نن د افغانستان لپاره د تاجېکستان له ځانګړي استازي خسرو صاحب‌زاده سره مهمه لیدنه ترسره کړې ده

د یوناما د معلوماتو له مخې، په دې کتنه کې د افغانستان پر اوسني وضعیت، د پولو اړوند بدلونونو او د سیمې د امنیت او ثبات لپاره د مخنیوي ډیپلوماسۍ پر ارزښت هر اړخیزې خبرې شوې دي

راپورونه ښيي چې دواړو لورو د منځنۍ اسیا او افغانستان ترمنځ د اړیکو پر پیاوړتیا، د احتمالي ګواښونو پر مخنیوي او د ګډو همکاریو پر پراختیا ټینګار کړی دی. همداراز ویل شوي چې د سیمې هېوادونه هڅه کوي څو د خبرو اترو او سیاسي تفاهم له لارې د هر ډول بې‌ ثباتۍ مخه ونیسي

شنونکي باور لري چې په دې حساسو شرایطو کې د سیمه‌ییزو او نړیوالو استازو دا ډول لیدنې کولی شي د افغانستان او ګاونډیو هېوادونو ترمنځ د باور فضا پیاوړې کړي او د سیمې د اوږدمهاله ثبات لپاره نوې لارې هوارې کړي

افغانستان چې د سیمې د نښلوونکي مرکز حیثیت لري، د امنیت، اقتصاد او سیاسي تعاملاتو په برخه کې د منځنۍ اسیا لپاره ځانګړی اهمیت لري، او له همدې امله د نړیوالو ډیپلوماټیکو هڅو تمرکز لا هم پر دې هېواد راڅرخي