مقاله

د بروکسل بلنې پر سر د اروپايي پارلمان غبرګونونه

اشتراک گذاری:

بریا نیوز (جمعه ،۱جوزا، ۱۴۰۵)

وروسته له هغې چې اروپايي کمېسیون بروکسل ته د اسلامي امارت د استازي د بلنې پخلی وکړ، د اروپايي پارلمان یو شمېر غړو پر دې اړیکه نیوکې کړې دي

د راپورونو له مخې، منتقدو اروپايي استازو ویلي چې له اسلامي امارت سره هر ډول رسمي تعامل باید د بشري حقونو، د ښځو د زده‌کړو او ټولنیزو ازادیو له موضوعاتو سره تړلی وي. دوی اندېښنه ښودلې چې دا ډول اړیکې ښايي د اسلامي امارت د نړیوال مشروعیت د پراخېدو لامل شي

بلخوا ځینو اروپايي چارواکو ټینګار کړی چې له افغانستان سره تعامل د بشري مرستو، سیمه‌ ییز ثبات او د عملي خبرو اترو لپاره مهم دی. د هغوی په باور، د اړیکو ساتل کولی شي د افغانستان د وضعیت د ښه درک او د ګډو ستونزو د حل لپاره زمینه برابره کړي

سیاسي شنونکي وایي، د بروکسل دا اقدام ښيي چې اروپايي ټولنه هڅه کوي د افغانستان په اړه خپله ډیپلوماټیکه تګلاره له احتیاط او تعامل سره یوځای پر مخ یوسي، خو په ورته وخت کې د اروپايي سیاستوالو ترمنځ لا هم د دې موضوع په اړه ژور اختلافات موجود دي

افغانستان دا مهال د نړیوالو سیاسي بدلونونو په یوه حساسې پړاو کې قرار لري، او د نړۍ له بېلابېلو هېوادونو سره د اړیکو هر نوی پرمختګ د سیمې او نړیوال سیاست لپاره ځانګړی اهمیت لري