سیاست

بیجینګ : چین له ایران غوښتي چې د حوثیانو د بریدونو د کمولو لپاره اقدام وکړي

اشتراک گذاری:

بریانیوز جمعه (۲۷/ سنبله /۱۴۰۵هـ.ش)

چین له ایران څخه په خصوصي ډول غوښتي چې پر حوثیانو خپل نفوذ وکاروي او د یمن د دغې ډلې وروستي پوځي فعالیتونه محدود کړي

د معلوماتو له مخې، دغه غوښتنه وروسته له هغې شوې چې سعودي عربستان له بیجینګ څخه وغوښتل چې د حوثیانو د وروستیو بریدونو د کمولو لپاره د خپل نفوذ او اړیکو له لارې مرسته وکړي

ویل کېږي چې د چین غوښتنه د ایران له لارې حوثیانو ته د پیغام رسولو په موخه شوې ده. حوثیان د ایران له ملاتړه برخمنه ډله بلل کېږي او په تېرو ورځو کې یې په سیمه کې پوځي فعالیتونه زیات کړي دي

دا هڅې په داسې حال کې کېږي چې د حوثیانو وروستیو بریدونو په سیمه کې امنیتي اندېښنې زیاتې کړې او د سعودي عربستان په ګډون یو شمېر هېوادونه د دغو بریدونو د پراخېدو په اړه اندېښمن دي

چین په سیمه کې له سعودي عربستان او ایران دواړو سره اړیکې لري او هڅه کوي د سیمه‌ییزو شخړو د کمولو لپاره له خپلو دیپلوماتیکو اړیکو استفاده وکړي