صحّت

ایچ‌ آی‌ وي : افغانستان کې د ایچ‌ آی‌ وي ۲۸۶ نوې پېښې ثبت شوې دي

اشتراک گذاری:

بریانیوز جمعه (۲۷/ سنبله /۱۴۰۵هـ.ش)

کابل — په افغانستان کې د ۲۰۲۵ کال له مارچ څخه د ۲۰۲۶ کال تر سپټمبر پورې د ایچ‌ آی‌ وي یا اېډز لږ تر لږه ۲۸۶ نوې پېښې ثبت شوې دي

د معلوماتو له مخې، له دې شمېرې څخه ۸۶ پېښې یوازې په تېرو پنځو میاشتو کې تشخیص شوې دي، چې د هېواد په کچه د ایچ‌ آی‌ وي د پېښو د دوام په اړه اندېښنې زیاتوي

د ایچ‌ آی‌ وي ناروغي د بدن دفاعي سیستم کمزوری کوي او که پر وخت تشخیص او درملنه یې ونه شي، د اېډز مرحلې ته رسېدای شي. روغتیايي متخصصان د ناروغۍ د مخنیوي لپاره د عامه پوهاوي، وختي تشخیص او درملنې ته پر پراخ لاسرسي ټینګار کوي

د تېر کال د معلوماتو له مخې، په افغانستان کې شاوخوا ۱۳ زره کسان له ایچ‌ آی‌ وي سره ژوند کوي

روغتیايي برخې ته د ایچ‌ آی‌ وي د نوو پېښو زیاتېدل یوه جدي ننګونه بلل کېږي، ځکه د ناروغۍ د مخنیوي او درملنې ترڅنګ د خلکو پوهاوي او د ناروغانو د ملاتړ لپاره هم دوامدارې هڅې اړینې دي