اخبار فوری
فــــهــــيـــم شـاهـیـن
08 میزان 1405
39
دوحه: امریکا د قطر السیلیه کمپ تړل د نهو میاشتو لپاره وځنډول
(بریانیوزچهارشنبه (۸/ میزان /۱۴۰۵هـ.ش
د امریکا د ولسمشر ډونالډ ټرمپ ادارې په قطر کې د «السیلیه» کمپ د تړل کېدو بهیر د نهو میاشتو لپاره ځنډولی دی په دغه کمپ کې له زرو ډېر هغه افغانان مېشت دي چې له امریکايي ځواکونو سره یې په افغانستان کې د شل کلنې جګړې پر مهال کار کړی و
د راپورونو له مخې، ټاکل شوې وه چې دغه کمپ د چهارشنبې په ورځ، د امریکا د مالي کال له پای سره هممهاله، وتړل شي؛ خو یوه امریکايي چارواکي ویلي چې واشنګټن او دوحې د کمپ د فعالیت د نهو نورو میاشتو لپاره پر غځولو هوکړه کړې ده
په السیلیه کمپ کې ټولټال ۱۰۳۹ افغانان مېشت دي. د دوی له ډلې ځینو د افغانستان د جګړې پر مهال له امریکايي ځواکونو سره د ژباړونکو او نورو برخو کې د همکارانو په توګه دندې ترسره کړې دي. په کمپ کې د ځینو امریکايي سرتېرو د کورنیو غړي هم شامل دي
د امریکا د بهرنیو چارو وزارت تر اوسه د کمپ د فعالیت د غځېدو په اړه رسمي څرګندونه نه ده کړې، خو ویلي یې دي چې هڅه کوي د کمپ د اوسېدونکو لپاره داسې حللاره ومومي چې د هغوی امنیت خوندي شي او وکولای شي له افغانستان څخه بهر نوی ژوند پیل کړي
د کمپ د تړلو ځنډول په داسې حال کې دي چې د دغو افغانانو د راتلونکي برخلیک او د هغوی د بیا مېشتېدو ځای په اړه له څه مودې راهیسې خبرې روانې دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl