اقتصاد

تجارت: د ازبکستان او بلجیم استازو د افغانستان پر روان وضعیت خبرې وکړې

اشتراک گذاری:

(بریانیو شنبه (۲۳/ عـقـرب/۱۴۰۵هـ.ش

د افغانستان لپاره د ازبکستان ځانګړي استازي، عصمت‌الله ایرګاشف، په تاشکند کې د بلجیم له سفیر ماتیاس کنده سره د افغانستان د روان وضعیت او وروستیو بدلونونو په اړه خبرې کړې دي

د ازبکستان د بهرنیو چارو وزارت ویلي چې په دې لیدنه کې دواړو لورو د افغانستان د وضعیت ترڅنګ د اړوندو دوه اړخیزو همکاریو او سیمه‌ییزو مسایلو په اړه هم د نظر تبادله کړې ده

د بلجیم سفیر د افغانستان په تړاو د ګډ سیمه‌ییز دریځ د رامنځته کولو لپاره د تاشکند د هڅو ستاینه کړې ده

ازبکستان د سیمې د اقتصادي او ترانزیټي پراختیا لپاره په افغانستان کې ثبات مهم بولي او ټینګار کوي چې د سیمې هېوادونه باید د افغانستان د وضعیت په اړه له نږدې همغږۍ او همکاریو کار واخلي