اخبار جهان

ولسمشر ولادیمیرپوتین: د افغانستان وضعیت د ډله‌ییز امنیت سازمان تر ځانګړې څارنې لاندې دی

اشتراک گذاری:

(بریانیو جمعه (۲۲/ عـقـرب/۱۴۰۵هـ.ش

د روسیې ولسمشر ولادیمیر پوتین ویلي چې د افغانستان وضعیت د ډله‌ییز امنیت تړون سازمان د غړو هېوادونو د بهرنیو پولو د امنیت د پیاوړتیا د هڅو په چوکاټ کې په ځانګړي ډول تر څارنې لاندې نیول شوی دی

پوتین په مسکو کې د ډله‌ییز امنیت تړون سازمان د امنیت شورا په غونډه کې ویلي چې د نشه‌یي توکو له قاچاق او ناقانونه کډوالۍ سره مبارزه هم د دغه سازمان له مهمو موضوعاتو څخه ده

د روسیې ولسمشر همداراز د غړو هېوادونو ترمنځ د بیولوژیکي امنیت د ټینګښت او د خطرناکو ناروغیو د خپرېدو پر وړاندې د مبارزې په برخه کې د همکاریو د زیاتوالي خبر ورکړی دی

د نوموړي په وینا، د سیمې امنیتي ننګونې د غړو هېوادونو ترمنځ د لا پراخو همکاریو اړتیا ډېره کړې او د بهرنیو پولو د امنیت ټینګول د دغه سازمان له مهمو لومړیتوبونو څخه ګڼل کېږي