افغان کډوال : سږ کال له ایران او پاکستانه څه باندې ۶۳۵ زره افغان کډوال په زور ایستل شوي

اشتراک گذاری:

(بریانیو پنجشنبه (۲۱/ عـقـرب/۱۴۰۵هـ.ش

د روان لمریز کال له پیله تر اوسه، له ایران او پاکستانه څه باندې ۶۳۵ زره افغان کډوال په زور افغانستان ته ستانه کړل شوي دي؛ هغه شمېرې چې په دغو دوو هېوادونو کې پر افغان کډوالو د فشارونو د دوام ښکارندويي کوي

یو شمېر ایستل شوي کډوال وايي، د خپلو شتمنیو او شخصي توکو د راټولولو لپاره ورته کافي وخت نه دی ورکړل شوی او افغانستان ته له ستنېدو وروسته د سرپناه او نورو لومړنیو اړتیاوو برابرول یې له مهمو اندېښنو څخه دي

له پاکستانه ایستل شوی افغان کډوال، ذاکر، وايي: موږ ته یې اجازه نه راکوله چې هلته ژوند وکړو، ان ګواښ یې کاوه چې کورونه به مو وران کړي

په زور د کډوالو د ایستلو بهیر په داسې حال کې دوام لري چې افغانستان ته د ستنېدونکو ډېری کورنۍ د سرپناه، کار او لومړنیو خدماتو له ستونزو سره مخ دي

د کډوالو د ستنېدو د بهیر دوام د مرستندویه ادارو او اړوندو بنسټونو پر وړاندې هم د بشري مرستو او د راستنېدونکو د لومړنیو اړتیاوو د برابرولو اړتیا نوره هم زیاته کړې ده