سیاست

زلمی خلیلزاد: چین او روسیه په سیمه کې د خپل نفوذ د پراخولو هڅې کوي

اشتراک گذاری:

(بریانیو شنبه (۲۳/ عـقـرب/۱۴۰۵هـ.ش

د افغان سولې لپاره د امریکا پخوانی ځانګړی استازی، زلمی خلیلزاد، وایي چې چین او روسیه هڅه کوي په سیمه کې خپل نفوذ پراخ کړي او دا وضعیت کولای شي د امریکا سیمه‌ییزې ګټې له ګواښ سره مخ کړي

خلیلزاد ازبکستان ته د امریکا د بهرنیو چارو وزیر، مارکو روبیو، د سفر هرکلی کړی او ویلي یې دي چې د منځنۍ اسیا اقتصادي او ستراتیژیک ارزښت مخ په زیاتېدو دی

نوموړي په خپلو څرګندونو کې زیاته کړې چې د امریکا خصوصي سکټور هم د منځنۍ اسیا د مخ پر زیاتېدونکي اهمیت درک کړی دی

د خلیلزاد په باور، واشنګټن باید په سیمه کې خپلې سیاسي او اقتصادي ګټې د یوې روښانه او دوامدارې ستراتیژۍ په چوکاټ کې په فعاله توګه تعقیب کړي

د نوموړي دا څرګندونې په داسې حال کې کېږي چې د منځنۍ اسیا هېوادونه د نړیوالو قدرتونو د اقتصادي او ستراتیژیکو سیالیو له امله ورځ تر بلې زیات اهمیت پیدا کوي