د روغتیا نړیوال سازمان: سږ کال په افغانستان کې د پولیو ۲۵ مثبتې پېښې ثبت شوې دي

اشتراک گذاری:

(بریانیو شنبه (۲۳/ عـقـرب/۱۴۰۵هـ.ش

د روغتیا نړیوال سازمان وایي، د روان ۲۰۲۶ کال له پیله تر اوسه په افغانستان کې د پولیو ۲۵ مثبتې پېښې ثبت شوې دي دغه سازمان په خپل وروستي راپور کې ویلي چې یادې پېښې د افغانستان په سویلي او ختیځو سیمو کې ثبت شوې دي او د هېواد سویلي سیمې لا هم د پولیو د خپرېدو له پلوه له تر ټولو اندېښمنوونکو سیمو څخه ګڼل کېږي د روغتیا نړیوال سازمان خبرداری ورکړی چې د ۲۰۲۴ کال له اکتوبر راهیسې د کور په کور واکسیناسیون د کمپاینونو بندېدو او په دغو پروګرامونو کې د ښځینه کارکوونکو کم ګډون، په ځانګړې توګه کم‌عمره ماشومانو ته د واکسین رسولو بهیر له ستونزو سره مخ کړی دی دغه سازمان له اسلامي امارته غوښتي چې د کور په کور واکسیناسیون د کمپاینونو د بیا پیلېدو لپاره زمینه برابره کړي، څو ټولو ماشومانو ته د پولیو واکسین په اسانه توګه ورسېږي پولیو یوه ساري او خطرناکه ناروغي ده چې تر ډېره کم‌عمره ماشومان اغېزمنوي او د واکسین پراخ پوښښ د دې ناروغۍ د مخنیوي او له منځه وړلو لپاره مهم ګڼل کېږي