اخبار جهان

واشنګټن: په امریکا کې د مخابراتي ستونزو له امله الوتنې ودرول شوې

اشتراک گذاری:

(بریانیو شنبه (۲۳/ عـقـرب/۱۴۰۵هـ.ش

د امریکا د هوايي چلند فدرالي ادارې د جمعې په ورځ د هوايي ټرافیک د کنټرول په مخابراتي سیسټمونو کې د رامنځته شویو ستونزو له امله په ټول هېواد کې الوتنې درولې دي

د رویټرز خبري اژانس د راپور له مخې، دا مهال د امریکا په هوايي ډګرونو کې الوتکو ته د الوتنې اجازه نه ورکول کېږي او نږدې اووه زره الوتنې ځنډېدلې یا لغوه شوې دي

د امریکا د کورنیو چارو وزیر، مارکوېن مولین، له خلکو غوښتي چې اندېښنه ونه کړي او ویلي یې دي چې تر اوسه د دې ستونزې تر شا د کوم قصدي برید نښه نه ده موندل شوې

چارواکي هڅه کوي د هوايي ټرافیک د کنټرول په مخابراتي سیسټمونو کې رامنځته شوې ستونزه هواره کړي او د الوتنو عادي بهیر بېرته پیل شي

د امریکا په کچه د الوتنو درېدلو د زرګونو مسافرو پر سفرونو اغېز کړی او په ګڼو هوايي ډګرونو کې یې د ځنډ او ګډوډۍ وضعیت رامنځته کړی دی