تکنولوژی

ناسا:په ۲۰۲۸ کال کې د اټومي انرژۍ په مرسته فضايي موټر سپوږمۍ ته لېږي

اشتراک گذاری:

(بریانیو جمعه (۲۲/ عـقـرب/۱۴۰۵هـ.ش

د امریکا فضايي اداره، ناسا، پلان لري چې په ۲۰۲۸ کال کې د اټومي انرژۍ په مرسته یو فضايي موټر سپوږمۍ ته واستوي

د «پرومیس» په نوم دغه ماموریتي موټر به د سپوږمۍ په جنوبي سیمه کې کوز شي او هلته به د واورې او یخ د احتمالي موجودیت ترڅنګ د نورو مهمو نښو او طبیعي سرچینو په اړه پلټنې وکړي

د راپور له مخې، دا فضايي ماموریت به شاوخوا ۱۸ میاشتې دوام وکړي او نږدې ۹۰۰ میلیونه امریکايي ډالر لګښت به پرې وشي

د سپوږمۍ جنوبي برخه د ساینس‌پوهانو لپاره ځانګړی اهمیت لري، ځکه باور کېږي چې په ځینو تل سیورو لرونکو سیمو کې د یخ او اوبو نښې موجودې وي

د ناسا دغه ماموریت د سپوږمۍ د لا ژورې څېړنې او د راتلونکو فضايي ماموریتونو لپاره د اړینو معلوماتو د ترلاسه کولو په موخه ترسره کېږي