سیاست

روسیه: نړیواله ټولنه دې له اسلامي امارت سره د تعامل لپاره عملي تګلاره غوره کړي

اشتراک گذاری:

بریانیوز جمعه (۲۷/ سنبله /۱۴۰۵هـ.ش)

روسیې له نړیوالې ټولنې غوښتي چې له افغانستان سره د اوسني وضعیت له مخې عملي او رغنده چلند وکړي او د اسلامي امارت په اړه د تعامل پر ځای د بندیزونو او سیاسي فشارونو له تګلارې ډډه وکړي

روسي چارواکو ټینګار کړی چې له افغانستان سره مستقیم تعامل، اقتصادي مرستې او سیمه‌ییزه همکاري کولی شي د دغه هېواد د ثبات او اقتصادي ودې لپاره زمینه برابره کړي

د روسیې په وینا، د افغانستان اوسنی وضعیت یوازې د سیاسي فشارونو او بندیزونو له لارې نه شي حل کېدای او نړیواله ټولنه باید داسې تګلاره خپله کړي چې له افغانانو سره د اقتصادي او بشري ستونزو په هواري کې مرسته وکړي

مسکو همداراز له اسلامي امارت سره د سیمه‌ییزو هېوادونو د همکاریو پر پراختیا ټینګار کړی او ویلي یې دي چې افغانستان کولی شي د سیمې د سوداګرۍ، ترانزیټ او اقتصادي اړیکو په پیاوړتیا کې مهم رول ولوبوي

روسیې په داسې حال کې د تعامل او اقتصادي مرستو غوښتنه کړې چې د افغانستان د اوسني حکومت او نړیوالې ټولنې ترمنځ د اړیکو د څرنګوالي، بشري وضعیت، امنیتي اندېښنو او اقتصادي ستونزو په اړه بحثونه لا هم دوام لري