مقاله

اریاناهوايي شرکت : اریانا هوايي شرکت هند ته د کارګو الوتنې دوه برابره کړې

اشتراک گذاری:

(بریانیوزدو شنبه (۶/ میزان /۱۴۰۵هـ.ش

اریانا هوايي شرکت اعلان کړی چې هند ته یې د بار وړونکو الوتنو شمېر دوه برابره کړی او له دې وروسته به نوي ډیلي ته هره ورځ دوه کارګو الوتنې ترسره کوي

دغه شرکت ویلي، تر دې وړاندې یې نوي ډیلي ته هره ورځ یوه کارګو الوتنه کوله، خو د اړتیاوو او بار وړلو د زیاتوالي له امله یې اوس د دغو الوتنو شمېر دوه ته رسولی دی

د شرکت په وینا، د الوتنو د شمېر زیاتول به د افغانستان او هند ترمنځ د سوداګریزو توکو د لېږد په برخه کې اسانتیاوې رامنځته کړي او سوداګرو ته به د مالونو د لېږد لپاره لا ډېر فرصتونه برابر کړي

اریانا هوايي شرکت ټینګار کړی چې د کارګو الوتنو زیاتول د دواړو هېوادونو ترمنځ د سوداګریزو اړیکو د پراختیا او د هوا له لارې د توکو د لېږد د اسانتیا په موخه ترسره شوي دي