اخبار جهان

دامریکا هوايي ځواک : د کابل له سقوط وروسته د ۴۵۰ افغانانو د ژغورنې څلورو پیلوټانو ته عالي پوځي مډالونه ورکړل

اشتراک گذاری:

(بریانیوزدو شنبه (۶/ میزان /۱۴۰۵هـ.ش

د امریکا هوايي ځواک څلورو پیلوټانو ته په ۲۰۲۱ کال کې له کابل څخه د خپلو افغان متحدینو د بېړني ایستلو پر مهال د ترسره کړي ماموریت له امله د پوځي اتلولۍ عالي مډالونه ورکړل.، دغو پیلوټانو د کابل هوايي ډګر ته څېرمه د داعش له خونړي برید یوه ورځ وروسته، د لوړ امنیتي ګواښ په شرایطو کې الوتنې ترسره کړې او شاوخوا ۴۵۰ افغانان یې په بېړني ډول له افغانستانه وایستل

د دغو پیلوټانو د ستاینې په مراسمو کې لسو نورو امریکايي پوځي منسوبینو ته هم د «برونز ستوري» افتخاري مډالونه ورکړل شول

امریکايي چارواکي وايي، د دغو پوځيانو ماموریت د سختو امنیتي شرایطو پر مهال ترسره شوی و او د افغان همکارانو د ژغورنې او خوندي لېږد په برخه کې یې مهم رول درلود

دغه مډالونه په داسې مهال ورکول کېږي چې له افغانستانه د امریکايي ځواکونو او افغان متحدینو د ایستلو د بهیر د څرنګوالي په اړه په امریکا کې لا هم سیاسي او عامه بحثونه او نیوکې روانې دي