لندن: برېټانیا افغانستان او څو نورو هېوادونو ته د کورنۍ تنظیم لپاره ۲۵۴ میلیونه پونډه ځانګړي کوي

اشتراک گذاری:

(بریانیوزدو شنبه (۶/ میزان /۱۴۰۵هـ.ش

د برېټانیا حکومت اعلان کړی چې د افغانستان په ګډون یو شمېر هېوادونو کې د ښځو لپاره د امیندوارۍ د مخنیوي او کورنۍ تنظیم خدمتونو د ملاتړ په موخه به ۲۵۴ میلیونه پونډه نوې بودیجه ځانګړې کړي

د برېټانیا د بهرنیو چارو وزارت په وینا، دغه بودیجه د «چویسز» پروګرام له لارې لګول کېږي چې افغانستان، چاد، ګامبیا، ملاوي، سوډان او یمن پکې شامل دي

د برېټانیا حکومت اټکل کوي چې د دې پروګرام له لارې به تر ۲۰۲۸ کال پورې د شاوخوا ۱۴ میلیونه ناغوښتل شوو امیندوارۍ مخه ونیول شي او میلیونونو ښځو ته به د کورنۍ تنظیم اړوند خدمتونه برابر شي

لندن همدارنګه ویلي چې د فلسطین او سومالیا لپاره د بشري مرستو او د اقلیمي بدلون اړوندو پروژو لپاره به هم د سلګونو میلیونو پونډو په ارزښت نورې مرستې ځانګړې کړي