اخبار فوری
فــــهــــيـــم شـاهـیـن
30 میزان 1404
6
کابل – د طالبانو تر ولکې لاندې رسنیو خبر ورکړی چې په تېر یوه ورځ کې ۵۹۹ افغان کډوال له ایران او پاکستان څخه هېواد ته بېرته راستانه شوي دي
د باختر خبري آژانس د راپور له مخې، د دغو کورنیو له ډلې ۴۷ کورنۍ د نیمروز د پل ابریشم له لارې، ۱۱۷ د هرات له اسلامقلعه، ۴۱۹ د کندهار له سپین بولدک او ۱۶ د هلمند له بهرامچې څخه افغانستان ته داخلې شوې دي
ویل کېږي چې یوازې دوه ورځې وړاندې هم له شپږ سوو ډېرې کورنۍ هېواد ته ستنې شوې وې، چې دا د وروستیو اونیو د بېرته ستنېدنې د پراخ بهیر دوام ښيي
په ورته وخت کې، د ایران او پاکستان له لوري د افغان کډوالو د ایستلو لړۍ لا هم روانه ده، او ګڼ شمېر افغانان له سرپنا، دندې او بنسټیزو اړتیاوو د نشتوالي له جدي ستونزو سره مخامخ دي
د چارو شنونکي وایي، حکومت باید د ستنېدونکو کورنیو د استوګنې او کارموندنې لپاره واضح پلانونه عملي کړي، څو دا بهیر له انساني کړاو پرته پرمخ ولاړ شي او د هېواد د ثبات او پرمختګ سبب وګرځي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي