اخبار فوری
په استانبول کې د طالبانو او پاکستاني لوري خبرې بېپایلې پای ته ورسېدې – دواړه خواوې یو بل ملامتوي
فــــهــــيـــم شـاهـیـن
07 عقرب 1404
11
په استانبول کې د طالبانو د حکومت او د پاکستاني استازو ترمنځ د اوږدمهاله اوربند په هدف خبرې، له څو ورځو بحثونو وروسته، بېپایلې پای ته رسېدلې دي. د دواړو خواوو ترمنځ د نظر ژور اختلاف د دې سبب شوی، چې د سولې او همکارۍ خبرې بېنتیجې پاتې شي
پاکستاني چارواکو رسنیو ته ویلي، د خبرو پر مهال د طالبانو د حکومت استازو ونه شوای کولای، چې اسلاماباد ته دا ډاډ ورکړي چې د پاکستان پر امنیتي ځواکونو بریدونه کوونکي وسلهوال به له خپلې خاورې څخه مهار او یا هم شړل کېږي. د هغوی په وینا، د طالبانو دریځ مبهم و او د پاکستان د امنیتي اندېښنو په اړه یې څرګند ضمانت ورنهکړ
په ځواب کې د طالبانو حکومت ویلي، د خبرو د نهپرمختګ اصلي لامل د پاکستاني لوري نامنطقي غوښتنې" وې. د طالبانو د بهرنیو چارو وزارت یوې سرچینې ویلي
پاکستان غوښتل موږ د هغوی د داخلي جګړو مسؤلیت پر غاړه واخلو، خو دا غوښتنه له واقعیت لرې ده. موږ د خپلې خاورې امنیت ته ژمن یو، خو د ګاونډي د ستونزو حل زموږ مسؤلیت نه دی
سرچینې زیاتوي، چې د خبرو پر مهال ترکیې هڅه وکړه منځګړیتوب وکړي او دواړه لوري د خبرو د دوام قانع کړي، خو د اختلافونو د ژورتیا له امله دا هڅه هم بېپایله پاتې شوه
دا خبرې د سیمې لپاره ډېرې مهمې ګڼل کېدې، ځکه تمه وه چې د دواړو هېوادونو ترمنځ د تاوتریخوالي د کمېدو، د سرحدي امنیت او د وسلهوالو د فعالیتونو د مهار په اړه یو عملي تفاهم رامنځته شي
شنونکي وایي، د خبرو د ناکامۍ دا پړاو ښيي چې د کابل او اسلاماباد اړیکې لا هم له بېاعتمادي ډکې دي.
د سیمه ییزو چارو کارپوه وایي
پاکستان غواړي طالبان په ښکاره د تحریک طالبان پاکستان (TTP) پرضد ودروي، خو طالبان هڅه کوي دا موضوع له سیاسي لارې حل کړي، نه د پوځي فشار له لارې
اوس د تمې وړ ده، چې ترکیه یو ځل بیا د دواړو لورو د نږدې کولو لپاره هڅې پیل کړي. خو د څارونکو په باور، تر هغې چې دواړه خواوې یو بل ته د عملي اقدام ډاډ ورنهکړي، د اوربند خبرې به همداسې بېپایلې پاتې شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي