اخبار فوری
فــــهــــيـــم شـاهـیـن
08 عقرب 1404
12
د پاکستان د پنجاب ایالت په ګوجرخان ښار کې پولیسو د افغان کډوالو د نیونې او ایستلو پراخ عملیات پیل کړي دي. د دغه اقدام موخه هغه افغانان بلل شوي چې د پاکستان په وینا، بېاسناده او ناقانونه مېشت دي
د پاکستاني ورځپاڼې «نیشن» د راپور له مخې، دا عملیات د پنجشنبې په ورځ، د لړم په اتمه نېټه پیل شوي او د پولیسو د ځانګړو ټیمونو لخوا پر مخ وړل کېږي
د پنجاب د کمیشنر مرستیال حمزه احتشام ویلي:
هیڅ شخص یا اداره اجازه نه لري چې ناقانونه مېشتو کسانو ته پناه ورکړي، کور په کرایه ورکړي یا ملکیت پرې وپلوري. که څوک دا کار وکړي، قانوني چلند به ورسره وشي
هغه ټینګار کړی چې د ټولو هغو کسانو د نیولو امر ورکړل شوی چې د پاکستان د استوګنې قانوني اسناد نه لري
د راپورونو له مخې، د ګوجرخان ترڅنګ د پنجاب په نورو سیمو کې هم د ورته عملیاتو د پراخېدو امکان شته
د دې عملیاتو لړۍ د داسې مهال دوام مومي چې د پاکستان حکومت له څو میاشتو راهیسې د افغان کډوالو د ایستلو کمپاین پیل کړی، او زرګونه افغانان یې له کورونو شړلي او د پولو له لارې افغانستان ته ستانه کړي دي
په همدې حال کې، د بشري حقونو سازمانونه وايي چې د پاکستان دا اقدام د نړیوالو اصولو او د پناه غوښتونکو د حقونو ښکاره سرغړونه ده، او د زرګونو افغان کورنیو ژوند یې له کړاو او بېسرپناهۍ سره مخ کړی دی
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي