اخبار فوری
فــــهــــيـــم شـاهـیـن
09 عقرب 1404
13
د افغانستان د فوټسال د ۱۷ کلنو ملي لوبډلې د اسیايي سیالیو په پایلوبه کې د ایران له پیاوړې لوبډلې څخه په زړهراښکونکې لوبه کې ۲-۱ بریا خپله کړه او د لومړي ځل لپاره یې د اسیا اتلولۍ جام ګټلی دی
دا بریا د افغانستان د سپورټ په تاریخ کې یوه بېسارې لاستهراوړنه بلل کېږي، ځکه چې د هېواد ځوان لوبغاړو د فوټسال په ډګر کې یو نوی باب پرانیست. افغان لوبغاړو د لوړې ارادې، چټک حرکات او همغږي لوبې په مټ وتوانېدل چې د ایران د زبردستې دفاع پر وړاندې بریا خپله کړي
لوبه د سختو شیبو او نازکو فرصتونو ډکه وه. د لوبې په لومړۍ نیمایي کې افغان لوبډلې لومړی ګول وواهه، خو ایران د دویمې نیمایي په پیل کې لوبه مساوي کړه. سره له دې، د افغانستان د لوبغاړو نهماتېدونکې روحیې او د تکتیکي روزنې اغېز د دې لامل شو چې د لوبې وروستیو دقیقو کې د دویم ځل لپاره ګول ووهي او بریا خپله کړي
د سیالۍ تر پای وروسته د افغانستان د لوبډلې لوبغاړو او روزونکو د خپل هېواد بیرغ جګ وساته او له خوښۍ یې د اوښکو سیلابونه توی کړل. په ټول هېواد کې خلکو د دې تاریخي بریا هرکلی وکړ، او د ټولنیزو شبکو له لارې د خپلو اتلانو ستاینه وکړه
د افغانستان د فوټبال فدراسیون هم په یوې ځانګړې اعلامیې کې ویلي چې دا بریا نه یوازې د فوټسال لپاره، بلکې د ټول هېواد د ځوان نسل لپاره د هیلو او ځانباورۍ یوه نښه ده
دا د لومړي ځل لپاره ده چې د افغانستان د فوټسال د ۱۷ کلنو لوبډله د آسیا اتلولۍ جام ګټي او نوم یې د قهرمانانو په کتار کې ځای پر ځای کېږي
افغان ملت اوس د خپلو زړورو ځوانانو په بریا ویاړي او تمه لري چې دا لړۍ به په راتلونکو نړیوالو سیالیو کې هم دوام وکړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي