اخبار فوری
د پاکستان د پوځ مشر فیلډ مارشل عاصم منیر ویلي: له ټولو ګاونډیانو سره سوله غواړو، خو سختدریځي نه زغمو
فــــهــــيـــم شـاهـیـن
10 عقرب 1404
10
د پاکستان د پوځ مشر فیلډ مارشل عاصم منیر ویلي، هېواد یې د افغانستان په ګډون له ټولو ګاونډیانو سره د سولې او ښه ګاونډیتوب غوښتونکی دی، خو ټینګار کوي چې سختدریځۍ او ترهګري به هېڅکله و نه زغمل شي
د پاکستان د پوځ د عامه اړیکو دفتر (ISPR) په خپره شوې اعلامیه کې راغلي، چې ښاغلی منیر د پېښور ښار ته د سفر پر مهال د قبایلي مشرانو له یوې جرګې سره لیدلي او د هغوی له ملاتړ او قربانیو یې ستاینه کړې ده
په اعلامیه کې ویل شوي، پوځ مشر د خپلو خبرو پر مهال ویلي:
پاکستان د سولې او ثبات غوښتونکی هېواد دی، خو له افغانستان د خاورې څخه د ترهګریزو فعالیتونو زغمل زموږ لپاره د منلو وړ نه دي
عاصم منیر زیاته کړې، چې د قبایلي سیمو خلک د پاکستان د دفاع لومړۍ کرښه ده او د وروستي تاوتریخوالي پر مهال د امنیتي ځواکونو تر څنګ د هغوی رول د ستاینې وړ دی
د هغه په وینا، د قبایلو ملاتړ او وفاداري د هېواد د امنیتي تګلارو مهمه برخه ده او پوځ به د دوی د هوساینې او پرمختګ لپاره خپلې هڅې جاري وساتي
دغه څرګندونې په داسې حال کې کېږي، چې اسلاماباد په وروستیو میاشتو کې څو ځله پر افغان خاورې د تحریک طالبان پاکستان (TTP) د فعالیتونو تور پورې کړی او ویلي یې دي، چې د افغانستان له خاورې پر پاکستان بریدونه کېږي
خو د افغانستان د طالبانو حکومت دا تورونه تل رد کړي او وایي، چې د افغانستان خاوره د هېڅ هېواد پر ضد نه کارول کېږي
شنونکي وایي، د پاکستان د پوځ د مشر وروستۍ څرګندونې ښيي، چې اسلاماباد غواړي له یوه اړخه د سولې پیغام ورکړي، خو له بل اړخه د فشار تګلاره هم وساتي
لنډیز:
د پاکستان پوځ مشر عاصم منیر وایي، هېواد یې له ګاونډیانو سره سوله غواړي، خو د افغانستان له خاورې ترهګریز فعالیتونه به هېڅکله و نه زغمي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي