اخبار فوری
پاکستان : راولپنډۍ کې د دیني سپکاوي قضیه؛ محکمې یو تن ته د اعدام سزا او یو میلیون روپۍ جریمه واوروله
فــــهــــيـــم شـاهـیـن
10 عقرب 1404
9
راولپنډۍ – د پاکستان د راولپنډۍ یوې ځايي محکمې د دیني سپکاوي په یوه قضیه کې یو تن تورن، کامران خان، د اعدام په سزا محکوم کړی او ورسره یې یو میلیون روپۍ جریمه هم پرې لګولې ده
د معلوماتو له مخې، د دې قضیې دوسیه تېر کال د سول لاین پولیسو مرکز کې د خلکو د شکایتونو پر بنسټ ثبت شوې وه. پر کامران خان تور پورې شوی و، چې په یوه خوړنځي یا رستورانت کې یې د خلکو پر وړاندې د دین سپکاوی کړی دی
د محکمې د اسنادو له مخې، د قاضي محمد طارق ایوب تر مشرۍ لاندې د قضیې اورېدنې له بشپړېدو وروسته پرېکړه وشوه، چې تورن کس د اعدام سزا او یو میلیون روپۍ جریمه مستحق دی
سرچینې وايي، له دې وړاندې هم یوې بلې محکمې د همدې کس پر ضد د اعدام حکم صادر کړی و، خو نوموړي د پرېکړې پر ضد عالي محکمې ته د استیناف غوښتنه کړې وه. عالي محکمې بیا د قضیې د بیا څېړنې امر کړی و، چې وروسته یې د سېشن محکمې له خوا وروستۍ پرېکړه تکرار شوه
دیني سپکاوي یا "Blasphemy" قضیې په پاکستان کې له خورا حساسو موضوعاتو ګڼل کېږي. د بشري حقونو فعالان تل ټینګار کوي، چې د دې ډول قضیو په څېړنه کې باید د شواهدو د کره والي او د قانون د منصفانه تطبیق پوره پاملرنه وشي، ځکه دا ډول تورونه کله ناکله د شخصي دښمنیو یا سیاسي فشارونو له امله هم لګېږي
تر اوسه د کامران خان کورنۍ یا مدافع وکیلانو د محکمې د پرېکړې په اړه څه رسمي غبرګون نهدی څرګند کړی، خو د قانوني کارپوهانو په وینا، امکان شته چې دوی یو ځل بیا د استیناف غوښتنه وکړي
دغه پرېکړه په داسې حال کې شوې، چې د پاکستان په بېلابېلو ایالتونو کې د دیني سپکاوي د قوانینو پر تطبیق او سختوالي پراخ بحثونه روان دي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي