اخبار فوری
فــــهــــيـــم شـاهـیـن
13 عقرب 1404
7
د برېتانیا د افغانستان استازولۍ د هېواد په شمال کې د مرګونې زلزلې له امله د قربانیانو کورنیو او ټپیانو سره خپله ژوره خواخوږي او همدردي اعلان کړې ده
دغه استازولۍ د ټولنیزې شبکې «ایکس» له لارې په خپاره شوي پیغام کې ویلي دي، چې برېتانیا د دې دردونکې فاجعې له امله ژوره خواشیني لري او د افغان ولس ترڅنګ ولاړه ده
په اعلامیه کې راغلي دي:
موږ د افغانستان د شمال د زلزلې له امله سخت غمجن یو. له هغو کورنیو سره د زړه له کومې خواخوږي لرو چې خپل خپلوان یې له لاسه ورکړي دي. زموږ بشردوستانه همکاران له وړاندې په سیمه کې حاضر دي او د مرستو او ژغورنې په چارو کې بوخت دي
استازولۍ زیاته کړې، چې برېتانیا به له خپلو نړیوالو شریکانو سره یو ځای د مرستو د همغږۍ، د اړمنو د ملاتړ او د اغېزمنو سیمو د بیا رغونې لپاره خپلې هڅې دوام ورکړي
دغه زلزله، چې د افغانستان په شمالي ولایتونو کې رامنځته شوې، د انسانانو د مرګژوبلې تر څنګ د ګڼو کورونو، ودانیو او شتمنیو د ویجاړېدو لامل شوې ده
د برېتانیا د دې همدردۍ پیغام له خپرېدو وروسته، ګڼ افغانان او نړیوال کاروونکي یې ستاینه کوي او دا یې د انسانیت، مرستې او نړیوالې همکارۍ یو ښکلی پیغام بللی دی
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي