اخبار فوری
د سعودي عربستان د ملک سلمان خیریه مرکز له لوري د شمال زلزلهځپلو لپاره د مرستو سپارل د افغانستان هلالاحمر
فــــهــــيـــم شـاهـیـن
15 عقرب 1404
8
د بلخ او سمنګان په ولایتونو کې د وروستۍ زلزله له امله د سلګونو کورنیو د متاثره کېدو وروسته، د سعودي عربستان د پاچا سلمان د بشري مرستو او خیریه مرکز د افغانستان له خلکو سره د همدردۍ او مرستې په توګه د خوراکي او غیرخوراکي توکو یو مهم محموله د ځانګړو مراسمو په ترڅ کې په کابل کې د سعودي سفارت له لارې د افغانستان هلالاحمر ټولنې ته وسپارله
د دې مرستو د سپارلو مراسم د سعودي سفارت په انګړ کې ترسره شول، چې پکې د سعودي د استازولۍ چارواکو، د افغانستان د هلالاحمر مسؤلینو او یو شمېر چارواکو ګډون کړی و
د ملک سلمان د بشري مرستو مرکز استازي په خپلو څرګندونو کې وویل، دا مرسته د هغو کورنیو لپاره ده چې د وروستیو زلزلو له امله یې خپل کورونه، شتمنۍ او عزیزان له لاسه ورکړي دي. هغه زیاته کړه چې سعودي عربستان به د افغان ولس د ملاتړ او د بیړنیو حالاتو پر مهال د مرستو رسولو خپل انسانپال مأموریت ته دوام ورکړي
په ورته وخت کې، د افغانستان د هلالاحمر ټولنې مشرتابه له سعودي عربستان او د ملک سلمان له خیریه مرکز څخه مننه وکړه، او ډاډ یې ورکړ چې دا مرستې به په شفاف ډول د زلزلهځپلو اړمنو کورنیو ته ورسوي
د یادونې وړ ده چې د ملک سلمان مرکز له تېرو کلونو راهیسې د افغانستان له بېلابېلو سیمو سره د بشري، روغتیايي او بیړنیو مرستو په برخو کې فعاله ونډه لري، او دا ځل یې یو ځل بیا د افغان ولس د غم په ورځ کې د مرستې لاس اوږد کړی دی
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي