اخبار فوری
د پوهنې وزارت لوړپوړی پلاوی هرات ته رسېدلی؛ د درسي نصاب، ښوونکو او تعلیمي بهیر هر اړخیزه ارزونه پیل شوه
فــــهــــيـــم شـاهـیـن
20 عقرب 1404
6
هرات – د افغانستان د پوهنې وزارت یو لوړپوړی او مسلکي پلاوی د هرات ولایت ته ورسېد، څو د دغه ولایت د ښوونیز بهیر، د درسي نصاب د پلي کېدو څرنګوالی، د خلافرشتې ښوونکو وضعیت او د درسي منابعو د وېش بهیر له نږدې وڅېړي
د هرات د پوهنې ریاست د معلوماتو له مخې، پلاوي د خپل سفر په لومړۍ ورځ د پوهنې له رئیس او اړوندو مسؤلینو سره تفصیلي ناسته وکړه، او د ښوونیز کیفیت، د ښوونکو د روزنې، او د نصاب د معیاري پلي کېدو په اړه یې ژور بحثونه وکړل
د پلاوي غړو ویلي، چې دا سفر د پوهنې وزارت د عمومي تګلارې برخه ده، چې موخه یې د ښوونیز کیفیت لوړول، د درسي موادو منظم وېش، او د ښوونکو د مسلکي وړتیا پیاوړتیا ده. دوی زیاته کړه چې وزارت هڅه کوي د هغو ښوونکو ستونزې حل کړي چې د خپلې اصلي رشتې خلاف تدریس کوي، څو زدهکوونکي له لا ښه کیفیتي زدهکړو برخمن شي
:د هرات د پوهنې رئیس، په خپلو څرګندونو کې وویل
موږ د پلاوي هرکلی کوو. دا ډول ارزونې د ښوونې او روزنې د پرمختګ لپاره حیاتي ارزښت لري. زموږ موخه دا ده چې هر زدهکوونکی د یو واحد، معیاري او اغېزمن نصاب له مخې زدهکړې ترلاسه کړي
تمه ده چې پلاوی د خپل سفر پر مهال د هرات د بېلابېلو ښوونځیو، ښوونکو او زدهکوونکو له استازو سره هم وګوري، د هغوی نظرونه واوري، او د تعلیمي بهیر د لا ښه والي لپاره خپلې سپارښتنې له مرکزي وزارت سره شریکې کړي
د یادونې وړ ده، چې د پوهنې وزارت په وروستیو میاشتو کې د هېواد په ګڼو ولایتونو کې ورته څارنیز سفرونه ترسره کړي دي، څو د نصاب د همغږۍ، د ښوونکو د وړتیا لوړولو او د ښوونې د کیفیت د ښه والي لپاره عملي او دوامدار ګامونه پورته کړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي