منابع معتبر: یک هیئت بلند پایۀ از تاجیکستان وارد کابل شده است

یکهیئت بلند پایۀ ازتاجیکستان که شامل مقام وزارت امورخارجه، امنیت ملی آن کشور می شود، وارد کابل شده است.

بریانیوز:(۱۴ عقرب/لړم) منابع معتبربه خبرگزاری بریا گفته‌اند که امروز(شنبه۲۴ عقرب) یک هیئت بلندپایۀ از تاجیکستان که شامل مقام‌های وزارت امور خارجه، امنیت و دیگر مسئولان مهم آن کشور می‌باشد، وارد کابل شده است. 

هدف از سفر این هیئت، گسترش و تقویت روابط سیاسی، اقتصادی و امنیتی میان جمهوری تاجیکستان و حکومت سرپرست امارت اسلامی عنوان شده است. 

همچنین، این هیئت در کنار دیدار با مسئولان مختلف حکومت سرپرست امارت اسلامی، روی همکاری‌های آینده نیز گفتگوهای عمیق انجام خواهد داد. 

منبع افزوده است که در کنار بحث‌های عمده دربارۀ روابط، موضوعات جزئی دیگر از جمله موضوع سفارت حکومت سرپرست در پایتخت تاجیکستان، دوشنبه نیز مورد بررسی قرار خواهد گرفت.

سفر هیئتی از تاجیکستان به کابل در حالی انجام شده که چند روز پیش هم شماری از مقام‌های این کشور به ولایت قندوز رفتند و با مسئولان محلی حکومت سرپرست دیدار کردند.

پیش از آن، یوسف وفا، والی حکومت سرپرست در بلخ و از چهره‌های نزدیک به هبت‌الله آخندزاده، رهبر تحریک طالبان افغانستان به دعوت تاجیکستان، به دوشنبه سفر کرده بود. او در دیدار با مقام‌های تاجیکستان، خواستار برقراری روابط دیپلوماتیک شد.

تاجیکستان از جمله کشورهایی آسیای میانه است که کمترین روابط دیپلوماتیک با حکومت سرپرست امارت اسلامی  را در چهار سال گذشته داشته است.