اخبار فوری
د کابل د ۱۷ کلنې نوې ودې شوې نجلۍ د مرګ معما؛ رسمي وینا او غیر رسمي راپورونه یو له بل سره نه جوريږي
فــــهــــيـــم شـاهـیـن
27 عقرب 1404
6
په کابل کې د فرخنده په نوم د یوې کم عمره او تازه ودې شوې نجلۍ د مړینې پېښه د خلکو او مدني فعالانو د اندېښنې لامل شوې ده. د پېښې اړوند لا هم بېلابېل روایتونه شته او تر دې دمه روښانه نتیجه نه ده خپره شوې
خالد ځدراڼ، د کابل د امنیې قوماندانۍ ویاند، رسنیو ته ویلي چې فرخنده د سکته مغزي (فالج) له امله مړه شوې او د پېښې مشکوک یا جنایي بڼه ردوي. د هغه په وینا، موضوع تر پلټنو لاندې وه او پایله یې طبیعي مرګ ښيي
خو په عین وخت کې، ځینې رسنیز او سیمهییز راپورونه دعوه کوي چې ښايي نوموړې د کورنۍ د ستونزو او احتمالي تاوتریخوالي له امله خپل ژوند له لاسه ورکړی وي. د لومړنیو ادعاوو پر اساس ویل کېږي چې د مړي پر بدن د کبودوالي او ممکنه فزیکي ضرر نښې لیدل شوي وې، خو د دغو ادعاوو رسمي او تایید شوې سرچینې لا نه دي وړاندې شوې
د ښځو د حقونو یو شمېر مدافعین او څارونکي ټینګار کوي چې پېښه باید په شفاف، بې پرې او مسلکي ډول وڅېړل شي، څو پایله یې هم د قرباني کورنۍ او هم د عامو خلکو لپاره قناعتبخښونکې وي. دوی وايي چې روښانه عدالت یوازې د یوې پېښې د حل لپاره نه، بلکې د ورته قضیو د مخنیوي لپاره هم اساسي رول لري
تر اوسه د پېښې رسمي تفصیلي راپور نه دی خپور شوی او د موضوع وروستۍ نتیجه به د پلټنو له بشپړېدو وروسته اعلان شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي