اخبار فوری
فــــهــــيـــم شـاهـیـن
28 عقرب 1404
4
په کابل کې د نهادونو او نړیوالو مرستندویو ادارو د همغږۍ په یو نوي جوړ شوي نشست کې، د طالبانو د بهرنیو چارو سرپرست وزیر امیرخان متقي د پاکستان له لوري د افغان کډوالو د جبري اخراج په اړه له توندې نيوکې ډکې څرګندونې وکړې
متقي وویل چې پاکستان نه یوازې افغانان له خپلو استوګنځایونو شړي، بلکې د بېرته ستنېدو لارې هم ورته تړلې دي. د نوموړي په وینا، دا کړنه د زرګونو بېسرپناه افغانانو بشري وضعیت نور هم خرابوي او د هغوی ژوند له جدي خطر سره مخ کوي
هغه دغه حالت «د منلو وړ نه» وباله او زیاته یې کړه چې نړیواله ټولنه باید د افغان کډوالو د روان کړکېچ د مهار لپاره بېړني ګامونه پورته کړي. متقي ټینګار وکړ چې د مهاجرینو د حقونو خوندیتوب د سیمې د ثبات لپاره مهم دی او اسلامآباد باید له داسې کړنو لاس واخلي چې بشري ناورین پراخوي
په ورته وخت کې، په پاکستان کې د افغان کډوالو زرګونه کورنۍ له سختو شرایطو سره مخ دي، او د بشري مرستو نړیوال سازمانونه خبرداری ورکوي چې د ژمي په درشل کې د بېسرپناه کېدو خطر نور هم زیاتېږي
د افغان کډوالو د برخلیک په اړه لاهم څرګنده نه ده چې د اسلامآباد او کابل ترمنځ اندېښنې به په کوم لوري ولاړې شي، خو د دواړو هېوادونو ترمنځ د دې موضوع پرېکنده حل ته اړتیا لیدل کېږي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي