اخبار فوری
پخواني ولسمشر اشرف غـني : افغانان دې د ۲۰۴۷ کال لپاره د سیال افغانستان د جوړولو په لور بېړنۍ هڅې وکړي
فــــهــــيـــم شـاهـیـن
29 عقرب 1404
7
کابل – پخواني ولسمشر محمد اشرف غني ویلي، افغانان باید د هېواد د اوسنیو ستونزو د حل لپاره ګډې، جدي او بیړنۍ هڅې وکړي، څو د داسې راتلونکي لپاره بنسټ کېښودل شي چې افغانستان وکولای شي په ۲۰۴۷ کال کې د نړۍ له مهمو سیالانو څخه وي
اشرف غني د یوې تازه څرګندونې پر مهال ټینګار کړی چې ۲۰۴۷ کال، چې د معاصر افغانستان د جوړېدو درې سوه کلنه کلیزه نمانځل کېږي، د هېواد لپاره یو تاریخي او ستر اهمیت لري. نوموړي زیاته کړې چې دې مهم پړاو ته رسېدل یوازې هغه وخت ممکن دي چې افغانستان د ملي حاکمیت د پیاوړتیا، دوامدار ثبات، اقتصادي ودې او ټولنیز پرمختګ لار خپله کړي.
پخواني ولسمشر ویلي، که افغانان د اوږدمهاله ستراتېژۍ، ملي یووالي او ګډو ملي هڅو پر بنسټ عمل وکړي، نو هېواد به وتوانېږي چې په درې لسیزه کې د یو ځواکمن، با ثبات او پرمختللي افغانستان هدف ته ورسېږي.
د اشرف غني له قوله، نړیوال بدلونونه او سیمهییز رقابتونه افغانانو ته دا پیغام ورکوي چې د پرمختګ لپاره فرصتونه محدود، خو لا هم شته دي، او که ملت یو موټی شي، نو ۲۰۴۷ کال به د یو نوي، رغنده او سیال افغانستان د راټوکېدو کال وي.
نوموړي پر افغان نسلونو غږ کړی چې د هېواد اقتصادي بنسټونه قوي کړي، د بشري پانګې پر روزنه تمرکز وکړي، او د سولې، عدالت او ټولنیز ثبات لپاره ګډ کار ترسره کړي، څو د راتلونکو نسلونو لپاره یو روښانه او باوقاره افغانستان پرېښودل شي.
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي